info@fretilin.tl 3313017

Informasaun Detalha

DR. MARÍ BIM AMUDE ALKATIRI

  • Sexu: Mane
  • Fatin no Data Moris: Dili, 26/11/1949 (73 anos)
  • Mai husi: Dili
  • Pojisaun : Sekretáriu Jeral FRETILIN
  • Kongresu : IV Congressu Nacional

Primeiro Ministro ba I no VII Governu Konstitusional depois de Restaurasaun Independênsia iha tinan 2002.

Dr. Mari Bim Amude Alkatiri, moris iha Dili, iha loron 26 fulan Novembru iha tinan 1949, oan husi Hamud Bin Awad Alkatiri no Fatmah Binti Umar Alkatiri.

Kaben ho Dra. Marina Ribeiro Alkatiri no iha oan nain tolu: Nurima, Lukeno no Dáhir-Sólok.

Remata nia eskola iha Liceu Dili, no kontinua estudu topografia no Agrimensura iha Luanda, Angola, ne’ebe remata núdar graduado iha 1972. Depois estuda no gradua ho Licenciatura Direitu hosi Universidade Eduardo Mondlate, iha Maputo, Moçambique, ne’ebe ikus sai núdar mos Docente ba Direitu Internasional no Direitu Konstitusional.

Dr. Mari Fundador principal ida ba Asssociação Social-Democrática de Timor-Leste, ASDT no hetan nomeasaun núdar Sekretariu Jeral Adjuntu iha tempu euforia ba Liberdade sosial no politika.

Iha loron 11 fulan Setembru tinan 1975, ASDT disolve hodi hari’I FRETILIN núdar frente ampla, ho Dr Mari Alkatiri núdar membro fundador ida, membru komite sentral, no Sekretariu Adjuntu ba Relasoens Internasionais. Iha fulan Outubru tinan 1975, Dr Mari Alkatiri eleitu hosi Komite Sentral FRETILIN núdar Komisariu Politiku Nasional.

Bainhira militar Indonesia hahu tama husi fronteira iha tinan 1975, FRETILIN deside hari FALINTIL iha loron 20 fulan Agostu iha tinan 1975, ho proklamasaun insureisaun armada iha 15 fulan agostu, iha Aileu.

Iha loron 23 fulan Novembru tinan 1975, Dr Mari Alkatiri indijitadu núdar Prezidente Komisaun elaborasaun esbosu Konstituisaun Timor-Leste hodi prepara ba Deklarasaun Independênsia.

Iha loron 28 fulan Novembru tinan 1975, FRETILIN deklara Independensia Nasional no Proklama Nascimento RDTL nian, no Dr. Mari Alkatiri nomeado núdar Ministru Estadu ba Asuntu Politiku.

Molok invazaun husi militar Indonesia hahu, FRETILIN, liu husi Vice-Presidente FRETILIN no Primeiru Ministru Timor-Leste, fo’o knaar ba Dr. Mari Alkatiri atu lidera delegasaun hodi hari komponente esterna FRETILIN nian ho objetivu atu reprezenta iha planu internasional no mobiliza komunidadi internasional hodi bele kondena okupasaun Indonesia no eziji retirada Forsa Rejime Suhartu nian hosi Timor-Leste. Delegasaun ida ne’e husik Timor-Leste iha loron 4 fulan Dezembru fulan 1975 ho planu atu fila ba Timor-Leste depois de semana rua, maibe la konsegue fila no estalese reprezentasaun iha Moçambique núdar Xefe Delegasaun Exterior, to’o tinan 1999.

Iha tinan 1982-1983, Dr Mari Alkatiri partisipa tomak iha prosesu iha adosaun ba Rezolusaun Assembleia Jeral ONU, Rezolusaun nº 37/30 hosi 23 novembru 1982, ne’ebé fo’o knaar ba Sekretariu Jeral ONU nian atu servisu diretu ho parte interesada atu bele hetan solusaun ida ba kestaun Timor-Leste.

Hosi 1983, hahu partisipa iha reuniaun hotu hotu Komisaun Direitu Umanus ONU nian ba kestaun Timor-Leste.

Iha 1985, ho dalan diplomatiku, Mari Alkatiri enkuadra iha Movimentu Não-Alinhados, liu hosi partisipasaun iha eventu internasional sira, hodi hetan apoiu ba kauza Timor-Leste nian. Hahu hosi 1990, Dr Alkatiri partisipa iha Konversasaun Tripartidas entre ONU, Indonesia no Portugal, no partisipa iha prosesu dialogo intra-timorense iha tinan 1995.

Iha tinan 1994, Dr Alkatiri nomeadu núdar membru Komite Koordenasaun  Frente Diplomátika.

Iha fulan Abril tinan 1998, Dr. Alkatiri eleitu núdar membru Komisaun Politika Nasional CNRT iha “Konvensaun Nasional Timorense”.

Iha fulan Setembru 2001, Dr Alkatiri hetan nomeasaun husi Nasoens Unidas núdar Ministro-Xefe no Ministru ba Ekonomia no Dezenvolvimentu ba Governu Tranzisaun Daruak iha Timor-Leste. Depois de Restaurasaun Independênsia iha loron 20 fulan Maio tinan 2002, Dr. Alkatiri hetan nomeasaun núdar Primeiru-Ministru no Ministru Ekonomia no Dezenvolvimentu, no lidera Komisaun Nasional Dezenvolvimentu no prosesu preparasaun Planu Dezenvolvimentu Nasional.

Iha tinan 2014, ho baze iha Dekretu-Lei Prezidente Republika nº 22/2014 hosi 25 julhu, Dr. Mari Alkatiri hetan nomeasaun no toma pose núdar Prezidente Autoridade Rejiaun Administrativa Espesial Oe-Cusse – Ambeno.