info@fretilin.tl 3313017

PLP Fakar Sai CNRT nia "Jogu Polítika"

  • Publika husi: Medialuolo
  • Fatin no Loron: Baucau, 13/Mar/2022

Baucau, 12 marsu 2022
Vice CPN PLP, Antônio Freitas fakar sai intensaun at ka jogu Polítika ne'ebe mak partidu CNRT halo hasoru Prezidente Repúblika Lú Olo.
"Tanba sa mak atan hau hamrik hodi fo apoiu ba ita nia aman Lú Olo, nuudar komisáriu politiku ho razaun"
"17 janeiru 2020, koligasaun PLP, CNRT no Khunto, naksobu tanba CNRT ho intensaun hakarak hamonu Prezidente Repúblika liuhusi dalan "People Power", Tanba ne'e PLP ho Khunto rejeita."
"Blokeia encontro regular Primeiro Ministro ho Prezidente Repúblika, tanba nee PLP la apoiu, tanba Prezidente Repúblika la'os ema foun, Xefe Estadu nuudar guerilleiru 24 anus."
"Alende nee koligasaun CNRt, PLP no Khunto blokeia Prezidente Repúblika ba relasaun internasionál liu husi vizita ba nasaun estranjeirus. Intensaun nee PLP ho Khunto la aseita."
"CNRT nia intensaun at ida mak sumba Orsamentu Jerál Estadu (OJE) 2019, hodi baku mate koligasaun neebé Primeiro Ministro Taur Matan Ruak konduz."
Maske husi krizi hirak neebé CNRT kria hodi hamonu Xefe Estadu Francisco Guterres Lú Olo, maibé ho esperiensia lubuk no kalma, Kandidatu Prezedenti Repúblilka nee rezolve ho hakmatek too formasaun governu. Situasaun rua mak Xefe Estadu konsege ultrapassa husi desizaun hanesan formasaun governu, no pandemia global COVID 19.
"Ha'u agradese ba Prezidente Repúblika tanba ita boot garante estabilidade, garante VIII governu konstituisaun too ohin loron, ha'u hakarak fó uluk parabéns ba kandidatu Prezedenti Repúblilka Lú Olo ne'ebe manán ona." Vice CPN PLP Antônio Freitas, hatete.
Vice CPN PLP Antônio Freitas, husu ba kuadru PLP iha Baucau atu iha responsabilidade moral, hodi apoiu Lú Olo. Tanba atuál Prezidente Repúblika fó rekonhesementu ba saudozu sira nebe luta ba ukun rasik an.
Iha fatin hanesan Prezidente partido Os verdes de Timor, Antônio Lela Huno Cruz, afirma.sei servisu makaas hodi lori vitória ba kandidatu Númeru 6.
"Ami lori 50.000 mai apoiu ita nia kandidatu Prezidente Repúblika Lú Olo, ami apoiu tanba aman ezemplar no garante estabilidade nasaun." Prezidente Os verdes de um Timor, deklara.
Komisáriu Partidu PUDD Agapito, husu ba militantes PUDD atu vota ba Kandidatu Prezedenti Repúblilka Lú Olo.
Kampaña Kandidatu Prezidente Repúblika ba Timor-Leste no ba povu tomak, Francisco Guterres Lú Olo iha munisípiu Baucau.
Baucau Mean Metin!
Baucau Mean Manan Tiha Ona!
Baucau Mutin Baku Fila!
Buras! Matak! Malirin!
Viva Lú Olo!
LÚ OLO SÍMBOLU PAZ, ESTABILIDADE NO UNDIDADE NASIONÁL.
Vota ba númeru 6!
Vota ba Bandeira FRETILIN!
Vota ba Lú Olo!