info@fretilin.tl 3313017

Dr. Francisco Guterres Lú-Olo nia Kondisaun Saúde Estavel

  • Publika husi: Webadmin
  • Fatin no Loron: Dili, 13/Sep/2022

Prezidente FRETILIN, no eix Prezidente da Repúblika, Dr. Francisco Guterres Lú-Olo dadauk ne’e simu hela atensaun medika sira ne’ebé presiza husi doutor sira iha Hospital Nasional Guido Valadares.


Lú-Olo nia kondisaun estavel no diak ba beibeik. 


Tuir lolós, Prezidente Lú-Olo tenki ba Malaysia hodi hala’o ninia check-up regular iha fulan-Agostu liu ba. Maibé, tamba serbisu polítiku, nia seidauk bele ba. Nune’e, wainhira ninia kondisaun fízika rekupera iha loron hirak tuir mai ne’e, nia sei deside atu halo viajen ba Malaysia atu hala’o check-up regular ne’ebé liu tiha ona tempu tuir médiku sira determina.


Familia Presidente Lu Olo ho Familia bo’ot FRETILIN agradese Doutor sira nia atensaun tomak no ema hotu hotu ne’ebe preokupa ho nia kondisaun. 


Dili, 13 setembru 2022