info@fretilin.tl 3313017

CCF konklui reuniaun daikus mandatu

  • Publika husi: Webadmin
  • Fatin no Loron: Dili, 05/Sep/2022

Komite Central FRETILIN (CCF) konklui enkontru daikus mandatu nian iha Sede CCF ohin. CCF nia reuniaun loron rua ne’ebé hala’o husi loron-3 to’o loron-4 fulan-Setembru tinan-2022 ne’e loron dahuluk hala’o iha salaun Canossa Haslaran no loron daruak hala’o iha Sede CCF, Comoro, Dili.


Iha diskursu ba loke reuniaun Komite Central nian, Prezidente FRETILIN Kamarada Francisco Guterres Lú-Olo hatete, “ohin Komite Central reuni atu prepara ho klean dokumentu sira ne’ebe ita atu lori ba Kongressu Nasional FRETILIN nian.”


Hafoin halo análize klean no liu husi diskusaun profunda, Komite Central FRETILIN aprova rejimentu ba Kongressu Dalima FRETILIN nian. Reuniaun Komite Central mós halo apresiasaun ba dokumentu importanta sira hanesan; esbosu alterasaun Estatutu FRETILIN, Lema Kongresu nian no mós esbosu relatoriu CCF nian ne’ebé atu lori ba kongresu.


FRETILIN nia Kongresu Nasional sei hala’o iha loron-8 to’o loron-10 fulan-Setembru tinan-2022, Dili.