info@fretilin.tl 3313017

Troika Lideransa Fretilin

  • Publika husi: Webadmin
  • Fatin no Loron: CCD, Dili, 08/Sep/2022

Partidu Frente Revolusionária do Timor-Leste Independente (FRETILIN) iha V Kongresu Nasionál ne’ebé realiza iha loron 8 Setembru 2022-10 Setembru 2022, Kongresista husi Munisípiu 13 inklui regiaun RAEOA, aprova rezulusaun 02/2022/V-CNF hodi kria Komite Orientadora ho naran Troika Lideransa.
Desizaun ne’e Kongresista sira foti tanba konsidera situasaun polítika interna Timor-Leste, hasoru dezafiu barak ne’ebé ejizé FRETILIN atu hatan ba dezafiu sira ne’e, hodi hametin establidade no koezaun nasionál ne’ebé refleta mos ba partidu nia koezaun.
Nune’e, iha V Kongresu partidu FRETILIN deside altera estatutu partidu FRETILIN, hodi Establese orgaun orientadora ho naran TROIKA LIDERANSA, kompostu husi Fundador FRETILIN, Komisáriu Polítika Nasionál ba dala uluk Kamarada Mari Alkatiri, núdar Prezidenti, Sekretáriu Komisaun Diretariva FRETILIN nian ikus liu (CDF), militantes FRETILIN hahu 1974, Kamarada Francisco Guterres Lú-Olo núdar Koprezidenti, Membru CCF, Segunda jerasaun sobrevivente (PMLF) no militantes FRETILIN hahú husi tinan 1975, Kamarada Lere Anan Timur, núdar Koprezidenti.
Troika lideransa nia kompetensia, fó apoio ba Prezidenti Partidu hodi garante establidade institusionál partidu nian,promove no haluan bazé frentista FRETILIN nian,preside reiniaun superior partidu nian,formasaun no kapasitasaun iha eskalaun hothotu hodi garante unidade asaun sira iha tranzisaun jerasionál.
Reforsa prinsipiu no valor luta libertasaun nasionál hodi avansa ba libertasaun do povu, hametin no haburas FRETILIN ho povu.