Noticia Tinan 2022
Laiha Ema Ida Mate Iha Krize Polítika Durante Lú Olo Sai Prezidente Repúblika
“Ha’u Prezidente Repúblika Lú Olo ne’e garante pás no estabilidade. Prezidente Repúblika hateten ba povu kona-ba krize no povu kumpriende saída mak krize. Uluk liu krize sira ne’ebé mosu la kleur de’it lakon tiha ona. La kleur de’it Alfredo mate, krize mós hotu ona. Mauk Moruk mós mate, Lú Olo nia tempu ema ida la mate tanba krize. Povu matenek ona atu sukat saída mak lialoos no lia laloos. Povu ida hatene ona,” Lú Olo hateten iha lansamentu Sede Kampaña nian iha edifísiu Luz Clarita, iha 28 fevereiru 2022.
Francisco Guterres Lú Olo prontu ona atu kompete iha Eleisaun Prezidente Repúblika
Reprezentante legal kandidatu Prezidente Repúblika, Fernando Gusmão, hateten katak rejista ona Francisco Guterres Lú Olo, atuál Prezidente Repúblika, iha Tribunal Rekursu. “Ami husi ekipa doutór Francisco Guterres Lú Olo nian, ami rejista ona nia kandidatura. Husi Tribunal Rekursu dehan dokumentus ne’ebé ami aprezenta mais ou menus tuir ona Lei ba Eleisaun Prezidente Repúblika ejize,” Fernando Gusmão hateten hafoin entrega dokumentus kandidatura ba Tribunal Rekursu.